skýrsla um leghálsskimanir.

Herra forseti. Mig langaði bara að bæta stuttlega við í þessa umræðu að ég hef oft velt því fyrir mér hvernig er rétt að taka á þeim vanda að hæstv. ráðherrar skila oft skýrslum og svörum við fyrirspurnum seint og illa og í rauninni oft í einhverjum pólitískum leikjum en stundum bara hreinlega vegna þess að það vinnst ekki tími. Gott og vel. Ég velti því fyrir mér hvort þau verkfæri sem við eigum til að reka á eftir þessu geti ekki verið einhvern veginn betri. Og mig langar bara til að skila því inn í þingstörfin næsta haust, sem ég ætla ekki að taka þátt í sjálfur, að það er alveg ástæða til að taka þetta upp og vil bara benda á að þegar fólk tók spólur á vídeóleigu í gamla daga þá borgaði það sekt ef það skilaði þeim ekki á réttum tíma. Ef þú borgar ekki af íbúðinni þinni á réttum tíma þá borgarðu dráttarvexti. Kannski þurfum við einhvers konar svona fjárhagslega hvata.