fjarskipti .

Herra forseti. Amma gamla vildi alltaf að ég héti Guðmundur. [Hlátur í þingsal.] Ég verð að fá að halda í sekúndurnar mínar. Hér er til atkvæðagreiðslu stórt mál sem er heildarendurskoðun á fjarskiptalögum sem almennt ganga undir heitinu Kóðinn. Það er mikilvægt að allt regluverk í tengslum við löggjöf um fjarskipti fylgi tækniþróun og stuðli að framförum fjárfestingum, samkeppni, hagkvæmni, samnýtingu og vernd neytenda. Í frumvarpinu er einnig horft til þjóðaröryggishagsmuna. Frumvarpið hefur að geyma ýmis nýmæli sem eru til þess fallin að auðvelda og bæta aðstöðu stjórnvalda til að leggja mat á árangur og umbætur í lagaumhverfi fjarskipta og framkvæmd hennar, bæði reglubundið og til framtíðar. Hér er um mikilvæga löggjöf að ræða nú þegar við siglum með miklum hraða inn í fjórðu iðnbyltinguna sem mun móta allt okkar líf til langrar framtíðar. Það er mikilvægur áfangi að ná að klára þetta mikilvæga frumvarp núna í þriðju tilraun.