áætlun um vernd og orkunýtingu landsvæða.

Herra forseti. Hér legg ég til að Hvammsvirkjun færist úr nýtingu í bið eins og hinar tvær virkjanirnar í neðri Þjórsá. Það er nefnilega þannig að allt tal meiri hlutans í nefndaráliti um að þessar þrjár virkjanir eigi að skoða sem eina heild er sýndarmennska ef því er ekki fylgt eftir með þeirri konkret ákvörðun að færa allar þrjár í bið. Og það er auðvitað engin tilviljun að það er akkúrat Hvammsvirkjun sem stjórnarliðar skilja eftir því að það er virkjunin sem er næst í framkvæmd. Það er akkúrat virkjunin sem þarf að setja í bið til að skoða betur. En nei, með sömu rökum og tvær virkjanir eru færðar í bið af stjórnarmeirihlutanum eru þau ekki til í að færa þá þriðju. Það er vegna þess að það á ekki að raska neinum hagsmunum virkjunaraðila. Hvammsvirkjun er Landsvirkjun ekki til í að láta af hendi og stjórnarliðarnir hlýða.