útlendingar.
Virðulegur forseti. Ég tek undir þetta. Það er ábyrgðarhluti að ráðherra tali með þessum hætti. Það kallar á að það sé útskýrt með greinargóðum hætti hvað átt er við. Það kallar líka á einhver viðbrögð og að Alþingi séu kynnt möguleg viðbrögð og mögulegar sviðsmyndir en ekkert slíkt er að finna í þessu þingmáli né hefur neitt slíkt verið boðað í þingmálaskrá ríkisstjórnarinnar. Í þessu ljósi veit maður ekki alveg hvað fólki gengur til með orðræðu undanfarinna vikna, það verður að segjast.