útlendingar.

Virðulegur forseti. Mig langar að spyrja hv. þm. Jóhann Friðrik Friðriksson hvað í þessu frumvarpi hann telur að muni tryggja að sveitarfélög geti sinnt betur hlutverki sínu eða taka á móti fólki og búa því sómasamleg skilyrði, íslenskukennslu og annars konar utanumhald. Hvað í þessu frumvarpi kemur til móts við þær áskoranir sem við erum að fást við núna í íslensku samfélagi með fordæmalausum fjölda fólks á flótta í heiminum og fordæmalausum fjölda umsækjenda á Íslandi, sem vonandi er tímabundið, en maður veit það auðvitað aldrei? Hvað er það í þessu frumvarpi sem hann styður svo mjög?