brottvísun umsækjenda um alþjóðlega vernd.

Frú forseti. Ég kem hér upp til að taka undir orð hv. þingmanna Arndísar Önnu Kristínardóttur Gunnarsdóttur og Jóhanns Páls Jóhannssonar. Það er ekki við hæfi að starfa hér í þessu húsi í tómarúmi, án tengsla við það sem er að gerast hér norðan megin við okkur, á Austurvelli þar sem tvisvar hafa verið haldin mótmæli vegna brottvísana og framkvæmdar þeirra í síðustu viku. Við verðum að taka lýðræðislega umræðu um þessi mál. Við verðum að horfast í augu við hversu ómanneskjulega er staðið að þessum brottvísunum og hvernig mannréttindi eru í raun purkunarlaust brotin á fólki. Síðan, frú forseti, leyfa ráðamenn þjóðarinnar sér að senda embættismenn í fréttatíma til að svara fyrir framkvæmdina.