fjárlög 2023.

Virðulegur forseti. Ég vil fá að taka undir það sem hér hefur verið sagt og hvetja forseta til að skoða dagskrá þingfunda fram undan. Þegar er orðið verulegt rask á dagskránni. Við erum ekki komin nándar nærri eins langt og við hefðum kosið á þessum tímapunkti. Fjárlög eru enn þá í umræðu. Manni sýnist að þannig gætum við haldið áfram. Við erum loksins núna að fá að sjá meirihlutaálit vegna bandormsins. Þetta mun allt taka tíma í umræðu og síðan eru það auðvitað fjáraukalögin sem þarfnast afgreiðslu. En ég sé ekki að neitt af þessu fari í gegn ef dagskráin á að vera með þeim hætti sem nú er verið að leggja til. Ég skora því á forseta að gera breytingar á þessu.