Frestun á skriflegum svörum.

Forseta hafa borist bréf frá umhverfis-, orku- og loftslagsráðherra þar sem óskað er eftir fresti til þess að veita skrifleg svör við fyrirspurnum á þskj. 662, um rammaáætlun, frá Orra Páli Jóhannssyni, á þskj. 542, um rafeldsneyti, frá Eydísi Ásbjörnsdóttur, og á þskj. 637, um fjölgun starfsfólks og embættismanna, frá Helgu Völu Helgadóttur.

Einnig hefur borist bréf frá heilbrigðisráðherra þar sem óskað er eftir fresti til þess að veita skriflegt svar við fyrirspurn á þskj. 891, um fjölda skurðhjúkrunarfræðinga í skurðaðgerðum, frá Diljá Mist Einarsdóttur.

Þá hefur borist bréf frá matvælaráðherra þar sem óskað er eftir fresti til þess að veita skriflegt svar við fyrirspurn á þskj. 829, um áburðarforða, frá Birgi Þórarinssyni. Einnig hefur borist bréf frá mennta- og barnamálaráðherra þar sem óskað er eftir fresti til að veita skriflegt svar við fyrirspurn á þskj. 636, um fjölgun starfsfólks og embættismanna, frá Helgu Völu Helgadóttur.

Að lokum hafa borist bréf frá félags- og vinnumarkaðsráðherra þar sem óskað er eftir fresti til að veita skrifleg svör við fyrirspurnum á þskj. 286, um búsetuúrræði umsækjenda um alþjóðlega vernd, frá Ásmundi Friðrikssyni, á þskj. 299, um meðalbiðtíma eftir búsetuúrræðum, og þskj. 300, um meðalbiðtíma eftir félagslegri íbúð, báðar frá Evu Sjöfn Helgadóttur, á þskj. 360, um framfærsluviðmið, frá Lilju Rafneyju Magnúsdóttur, á þskj. 376, um þjónustu við fatlað fólk á heimili sínu, frá Ingu Björk Margrétar Bjarnadóttur, á þskj. 630, um fjölgun starfsfólks og embættismanna, frá Helgu Völu Helgadóttur, á þskj. 314, um íslenskukennslu fyrir útlendinga, frá Önnu Kolbrúnu Árnadóttur, á þskj. 484, um skerðingu réttinda almannatrygginga og félagslegrar aðstoðar, frá Guðmundi Inga Kristinssyni, á þskj. 573, um móttöku flóttafólks, frá Eydísi Ásbjörnsdóttur, og á þskj. 593, um breytingu á fjárhæðum örorkulífeyris, tekjutryggingar og heimilisuppbótar, frá Jóhanni Páli Jóhannssyni.