framkvæmd EES-samningsins.

Virðulegur forseti. Takk fyrir þessa fínu umræðu, hv. þingmaður. Við höfum því miður reynslu af því að sækja um aðild að Evrópusambandinu þar sem hluti ríkisstjórnar var á móti því að ganga í Evrópusambandið og það fór ekki vel. Ég held að þegar slíkt skref er stigið þurfi að vera fullur einhugur innan þeirrar ríkisstjórnar sem færi í slíka vegferð. Ég vil líka árétta að það hefur verið skoðun þess flokks sem ég er fulltrúi fyrir hér inni í dag að það yrði ekki farið í aðra slíka vegferð fyrr en eftir að þjóðin yrði spurð að því hvort áhugi væri fyrir því af hennar hálfu.