almannatryggingar og húsnæðisbætur.

Hæstv. forseti. Með samþykkt þessa frumvarps mætum við örorku- og ellilífeyrisþegum með mikilvægum kjarabótum nú á miðju ári, sem vissulega er ekki venjan, en það er jákvætt. Hækkuninni er ætlað að koma í veg fyrir kaupmáttarrýrnun þessara hópa síðar á árinu þar sem verðbólga er meiri en gert var ráð fyrir í forsendum fjárlaga ársins í ár. Þessi 2,5% hækkun sem hér er lögð til kemur til viðbótar hækkun um 7,4% um síðustu áramót og er mikilvægur liður í að mæta þeim hópum sem kröppust hafa kjörin við núverandi efnahagsaðstæður. Ég vil fá að þakka hv. velferðarnefnd fyrir góða og snarpa vinnu í þessu máli og gleðst með þingheimi því að ég veit að hann mun allur samþykkja þetta mál.