154. löggjafarþing — 37. fundur, 27. nóv. 2023.
áhrif breytinga á alþjóðaheilbrigðisreglugerðinni á regluverk á Íslandi.
Herra forseti. Ég þakka hæstv. ráðherra skýr svör og mikilvægt að fá þetta fram. Hér í seinni fyrirspurn vil ég þá, svona til fyllingar þess sem hæstv. ráðherra kom inn á hér, spyrja hæstv. ráðherra: Getur heilbrigðisráðherra ábyrgst að þær breytingar á alþjóðaheilbrigðisreglugerðinni, International Health Regulations, sem taka eiga gildi 1. desember næstkomandi, eftir nokkra daga, feli ekki í sér skerðingu á stjórnarskrárvörðum rétti Íslendinga og skerði ekki fullveldisrétt íslenska ríkisins samkvæmt stjórnarskránni?
