breyting á búvörulögum.

Forseti. Störfin hérna á þingi eru margvísleg, yfirgripsmikil, flókin og eru einfaldlega þannig að enginn einn þingmaður kemst yfir öll málin. Þess vegna treystum við því mjög iðulega að þau sem starfa fyrir okkur í nefndum þingsins upplýsi okkur um stöðu mála í þeim nefndum og tökum afstöðu til þeirra mála samkvæmt þeim upplýsingum. En nú er það að koma í ljós einmitt í þessu máli með búvörulögin að breytingarnar sem þar komu gengu allharkalega yfir þingið. Maður veltir því fyrir sér hvort einhverjir þingmenn einhverra flokka í meiri hlutanum hafi kannski ekki alveg áttað sig á því hvað þeir voru að samþykkja þegar allt kom til alls. Ég held að það sé einmitt gott ráð fyrir þingforseta að skoða það þegar svona yfirgripsmiklar breytingar eru gerðar (Forseti hringir.) hvort það sé ekki örugglega á þeim forsendum að þær séu tækar til frekari umræðu (Forseti hringir.) því að ef það eru gerðar yfirgripsmiklar breytingar á lögum af nefndum eru kröfur um að það þurfi að endurmeta kostnað þeirra alla vega (Forseti hringir.) og ég er ekki viss um að það hafi verið gert í þessu tilviki t.d.