Menntasjóður námsmanna.

Frú forseti. Takk fyrir andsvarið. Ég er alveg sammála síðasta ræðumanni. Það er ekkert sem pínir námsmenn til að vinna annað en það að framfærslulánið er svo lágt. Þess vegna er sjálfsagt að hækka framfærslulánið en leyfa þeim sem vilja vinna að vinna. Það er þeim í sjálfsvald sett hvort þeir fái háar einkunnir eða lágar. Og til að leysa það vandamál sem hv. þingmaður bendir á þá er að sjálfsögðu hægt að leysa það þannig að lánafyrirgreiðsla verði aukin. Ég sé enga aðra lausn á því.