utanríkis- og alþjóðamál 2023.

Það birtist frétt í Viðskiptablaðinu fyrr í dag um áætlanir hæstv. ráðherra um að opna sendiráð eða sendiskrifstofu á Spáni og þar sem fjallað var um minnisblað sem ráðuneytið sendi fjárlaganefnd þess efnis að bæta við fjármagni til að gera þetta. Ég ásamt fleiri hv. þingmönnum höfum lagt fram þingsályktunartillögu um að hvetja ráðherra til að gera nákvæmlega þetta. Mig langaði að spyrja hver staðan er. Hvenær geta Íslendingar, búsettir á Spáni, átt von á því að fá þar sömu sendiráðs- eða sendiskrifstofuþjónustu eins og Íslendingar búsettir í öðrum löndum Evrópu þar sem er slík þjónusta?