Náttúrufræðistofnun og náttúrustofur.

Herra forseti. Mig langaði rétt að koma upp. Það er búin að vera töluverð vinna í vetur varðandi þetta frumvarp og við að leysa mál tengd því og öll nefndin er á málinu. Mig langar rétt að ítreka mikilvægi þess að Náttúrurannsóknastöðin við Mývatn haldi stöðu sinni við Mývatn og rannsóknir þar og það starf haldi áfram að eflast. Það er mikil saga á bak við náttúrurannsóknastöðina, 50 ára gömul saga. Ég vildi rétt koma upp og ítreka það og ég held að það hafi verið samhljómur í nefndinni um það og að ítreka að Náttúrurannsóknastöð við Mývatn hafi sterka stoð í nýrri stofnun.