innviðir markaða fyrir fjármálagerninga sem byggjast á dreifðri færsluskrártækni.
Virðulegur forseti. Mig langar að gefa annað dæmi um hvernig er hægt að nota þetta sem er ekki tengt beint fjármálageiranum. Það er verið að byrja að nýta þessa tækni í mörgum þróunarlöndum til að halda utan um það hver á hvaða land. (EÁ: Nákvæmlega.) Í mörgum af þessum löndum eru landspildurnar sem fólk á ekkert mjög stórar og þar af leiðandi mikið af fólki sem á mikið af löndum. Þegar kemur að spillingu þá var einmitt mjög auðvelt að banka bara upp á hjá fasteignaskránni á því svæði og svo taka yfir lönd sem voru þegar í eigu fólks. Með því að nýta þessa tækni er hægt að halda utan um það hver á hvað og það stendur og er gagnsætt og ekki hægt að breyta nema með því að skrá þær breytingar og þá hvernig borgað var fyrir viðkomandi hlut inn í skránna.
