breyting á ýmsum lögum vegna endurskoðunar örorkulífeyriskerfis almannatrygginga.

Virðulegi forseti. Þetta er alveg með ólíkindum. Ég skrifaði ekki og hef ekki skrifað undir neitt, engan lokasamning eða neitt. Það er hvergi undirskrift mín á því. Og það að með því að styðja einhver góð mál hjá velferðarnefnd um breytingar á þessu máli, sem er bara sjálfsagður hlutur, sé ég að segja þar með að ég megi ekki vera með nefndarálit og breytingartillögur, ég hefði aldrei skrifað upp á það, aldrei nokkurn tíma, ef ég hefði vitað það, aldrei. Og ég hefði ekki samþykkt lokasamningana ef ég hefði átt að skrifa upp á það að ég mætti ekki leggja fram nefndarálit og breytingartillögur. (IngS: Enda kom það aldrei …) Við skulum bara hafa það á hreinu. Það er alveg með ólíkindum að þessu skuli vera stillt upp svona þegar sannleikurinn liggur algjörlega fyrir. Ég skrifaði ekki upp á neitt og ég er með þessu velferðarmáli bara að styðja gott málefni. Og ef ég má það ekki án þess að eiga á hættu að ég megi ekki koma með nefndarálit og breytingartillögur hér í þinginu þá mun ég aldrei skrifa upp á svona aftur.