fjárlög 2025.

Hæstv. forseti. Ég vil þakka hv. þm. Jóhanni Páli Jóhannssyni fyrir að taka hér upp málefni heilsugæslunnar. Varðandi heilsugæsluna þá er þetta fyrst og fremst fjárfestingarframlag sem er að hliðrast. Það er heilsugæslan á Akureyri, stöðin þar, það er hálfur milljarður. Þannig að rekstrarframlögin eru að aukast og 2023 þá jukum við framlögin varanlega um 2 milljarða inn í heilsugæsluna. Þannig að við höfum verið að reyna að auka það og það er mjög mikilvægt vegna þess að sérstaklega á helstu álagstímum þá er heilsugæslan mjög þanin getum við sagt, mikið álag á starfsfólki, en við höfum sett þessa fyrstu viðkomu samkvæmt heilbrigðisstefnunni á oddinn og heilbrigðisþingið núna verður tileinkað heilsugæslunni vegna þess að það mun skipta sköpum hér til framtíðar að efla þessa þjónustu gagnvart því (Forseti hringir.) að réttur sjúklingur á réttum stað, eins og það er orðað í stefnunni, vinni betur (Forseti hringir.) heldur en kannski við erum að upplifa á svona mestu álagstímunum í dag. Þannig að heilbrigðisþing er tileinkað heilsugæslunni (Forseti hringir.) sem dæmi um það hvað við leggjum mikla áherslu á þennan þátt þjónustunnar.