rannsókn á orsakaferli í aðdraganda sjálfsvíga og dauðsfalla vegna óhappaeitrana.

Virðulegur forseti. Ég kem bara hingað upp til að þakka hv. þm. Ólafi Adolfssyni fyrir ræðuna og vil kannski segja það líka með þrautseigjuna að þegar maður trúir á eitthvert mál og eitthvert málefni þarf maður að fylgja því eftir. Ég hef trú á því líka að þrautseigjan skili árangri þegar fram í sækir, þannig að ég mun halda áfram þangað til þessi tillaga fer í gegn á meðan ég sit hér á þingi. En þetta voru áhugaverðar upplýsingar sem við fengum hjá hv. þingmanni í tengslum við ópíóíðaeitrið og ég tek bara undir hans orð, ég vona að þessi tillaga muni ná brautargengi hér innan þingsins. Ég þakka fyrir mjög góðar umræður hér í dag.