framkvæmdaáætlun í kynjajafnréttismálum fyrir árin 2025--2028.

Virðulegi forseti. Ég vek athygli á því, eins og ég reyndar nefndi í framsöguræðu minni, að þetta er tillaga sem var unnin á vakt síðustu ríkisstjórnar Sjálfstæðisflokks, Framsóknar og Vinstri grænna. Breytir ekki því að ég legg hana stolt fram.

Þingmaðurinn spyr: Vil ég senda stjórnmálamenn á námskeið um jafnréttismál, þingmenn Sjálfstæðisflokksins? Absalútt, ekki spurning. [Hlátur í þingsal.] Ég vil ólm senda ykkur á námskeið um jafnréttismál og ég minni þingmanninn á að stór hluti af kosningabaráttu Sjálfstæðisflokksins, sem skilaði verstu niðurstöðu frá stofnun flokksins, var háður um jafnréttismál og skilaði þeirri niðurstöðu sem reyndin varð. Ég segi: Jafnréttisnámskeið á línuna.