breyting á ýmsum lögum vegna einföldunar og samræmingar leyfisferla á sviði umhverfis- og orkumála.

Virðulegi forseti. Ég þakka hv. þingmanni aftur fyrir þessa ábendingu sína. Ég held að þetta sé bara mikilvæg brýning, bæði fyrir mig og mitt ráðuneyti þegar kemur að frekari vinnu í þessum málum og fyrir hv. umhverfis- og samgöngunefnd þegar farið er yfir þetta frumvarp. Það er alls ekki, og ég tel að þess sé gætt mjög vel í útfærslunni sem þarna er lögð til, meiningin að störfum fækki í hinum dreifðari byggðum þegar kemur að nauðsynlegu eftirliti.