utanríkis- og alþjóðamál 2024.

Virðulegur forseti. Ég þakka hv. þm. Degi B. Eggertssyni fyrir svarið við andsvari mínu. Ég hef raunverulega tvær spurningar sem mig langar til að leggja fyrir hann. Það er í fyrsta lagi hvort Evrópuríkin séu raunverulega álitlegur kostur í samstarfi. Það er svo sem ekki nýtt hjá þeim forseta sem nú situr í Bandaríkjunum að kvarta yfir því að Evrópuríkin hafi ekki tekið nægilegan þátt svona fjármálalega í vörnum Evrópu. Þó að hann sé kannski ókurteisari en margir aðrir í framsetningu sinni þá hafa fleiri forsetar talað um þetta. Þannig að mig langaði að spyrja hv. þingmann að því hvort það sé álitlegur kostur að vera í Evrópu, raunverulega, og eins hvort og þá hvernig við getum aukið og á hvaða sviði við eigum að auka fjármuni til varnarsamstarfs, varnar- og öryggismála.