almannatryggingar og endurskoðun örorkulífeyriskerfis almannatrygginga.

Frú forseti. Ég hef heyrt hv. þm. Njál Trausta Friðbertsson tala mjög oft og ítarlega um þetta. Mér finnst mikilvægt, eins og ég segi, að hlusta á öll sjónarmið. Við höfum fengið ýmsa útreikninga og töflur og prósentur og það hefur sannarlega ýmislegt verið rætt í þessu máli. En hér erum við samankomin í þessari ríkisstjórn og erum tilbúin til þess að taka þennan sérstaka hóp sem um ræðir, örorkulífeyrisþega, og gera við þá — sem er hreinlega löngu tímabært. Það er ekki hægt að neita því að sá hópur sem hér um ræðir hefur orðið eftir; hefur ekki fengið sömu kjarabætur og aðrir. Þeim hefur ekki einu sinni verið boðið til slíks borðs. Útreikningar á þeirra bótum hefur verið allt annars eðlis og fylgt, eins og fram hefur komið, almennri launaþróun á meðan laun annarra hafa fylgt vísitölu. (Forseti hringir.) Nú er verið að breyta þessu og af hverju ætti þessi hópur sífellt að vera skilinn eftir út undan?