fundarstjórn forseta og slit þingfundar.

Frú forseti. Talað er um að eitthvað hér sé fordæmalaust. Nú hef ég ekki verið hér um langa hríð svo að ég þekki ekki söguna marga áratugi aftur í tímann en nokkra þó, hafandi fylgst með sem áhugamaður um samfélagsmál í þó nokkuð mörg ár. Ég hygg að það sé fordæmalaust að hæstv. forsætisráðherra geti ekki klárað þinglokasamninga. Ég man ekki í fljótu bragði eftir slíku dæmi. Þá held ég að það sé líka, ef ekki fordæmalaust þá a.m.k. afar fátítt að fjölmiðlar augljóslega viti hvað er að fara að gerast í þessum sal áður en þingmenn gera það. Hér var krökkt af fjölmiðlum sem augljóslega vissu hvað var í uppsiglingu en við þingmenn í salnum, frú forseti, gerðum það ekki og það er ámælisvert.