fjárlög 2026.

Frú forseti. Ég þakka hæstv. ráðherra fyrir svarið. Ég get verið sammála honum um ýmislegt sem hann segir, að menntamál ættu í raun ekki að vera pólitískt mál; það ætti að vera samstaða um það að bæta menntun barnanna okkar á landinu. Fyrir vikið lyftum við þeim mest sem standa höllustum fæti. Til þess er menntakerfið, að lyfta öllum, en við höfum mest svigrúm til að hækka þau sem standa höllustum fæti. Þess vegna kemur á óvart að sjá ekki meira inni í þessu, að þessum krökkum, börnum sem standa höllustum fæti sé ekki lyft meira.

Í stefnuræðu forsætisráðherra Kristrúnar Frostadóttur nefndi hún þessi ríkisstjórn tæki ábyrgð á stjórn efnahagsmála — og þetta er vissulega efnahagsmál, menntamálin, við erum að tala um 250–400 milljarða — að við ætlum ekki að benda á aðra, við tökum fulla ábyrgð, ekki á minni vakt. Ég vil því spyrja hæstv. ráðherra í lokin: Hver er meginorsök þess að 40% nemenda eftir tíu ára skyldunám og tvö til þrjú ár í leikskóla eru ekki með grunnfærni í lesskilningi? Hver er meginástæða þess að 40% nemenda eftir tíu ára grunnskólanám og tveggja til þriggja ára leikskólanám eru ekki með grunnfærni í lesskilningi? (Forseti hringir.) Það ætti að liggja ljóst fyrir í ráðuneyti mennta og barna.