breyting á ýmsum lögum vegna fjárlaga 2026.

Forseti. Ég þakka hv. þm. Njáli Trausta Friðbertssyni fyrir spurninguna. Hv. þingmaður þekkir mætavel þá umræðu sem varð um þetta gjald og þá gagnrýni sem kom á það sem er nákvæmlega sú gagnrýni sem hv. þingmaður dregur hér upp aftur, þ.e. að það hefði átt að fara varfærnislegar í þetta og í fleiri skrefum. Nú er það verk þessarar ríkisstjórnar að lækka gjaldið sem kemur þá til móts við þau sjónarmið. Ég held síðan að það sé mikilvægt að efnahags- og viðskiptanefnd taki um þetta umræðu. Eins og hv. þingmaður bendir á eru margar hliðar á þessu máli. Hann nefnir sérstaklega ferðaþjónustu á köldum svæðum sem eru allt málefnaleg sjónarmið.