breyting á ýmsum lögum vegna fjárlaga 2026.

Forseti. Ég þakka hv. þm. Sigríði Á. Andersen fyrir þessa spurningu sem er ákaflega góð. Þetta er raunar spurning sem ég veit að mínum ágætu fyrrum kollegum í Háskóla Íslands hefur legið á hjarta um mjög langt skeið. Ég hygg að skýringanna sé fyrst og fremst að leita í því að þetta er stórt skref að taka og eins og kom fram í máli hv. þm. Njáls Trausta Friðbertssonar þegar hann var að tala um innviðagjald, þá þyrfti þetta að gerast í einhverjum skrefum og með einhverjum fyrirvara en það hlýtur að vera markmiðið að þessi gjöld standi undir kostnaði.