skattar, gjöld o.fl. (tollar, leigutekjur o.fl.).

Frú forseti. Já, ég held að það sé einfalt svar. Það þarf að brjóta meira land og það ættu að vera hæg heimatökin hjá þessari ríkisstjórn að hringja yfir í Ráðhúsið í sinn flokk sem er með borgarstjórann. Samfylkingin er með borgarstjórann í Reykjavík og þau vita hvað þarf að gera en þau fara svona leiðir í stað þess að brjóta meira land og taka á of íþyngjandi regluverki þegar kemur að byggingu húsnæðis. Það var t.d. frábært myndband sem Samtök iðnaðarins bjuggu til þess efnis, ég hvet fólk til að skoða það. Það sýnir í hvaða vegferð við erum komin, við flækjum og flækjum hlutina og þessi hugmynd er enn eitt flækjustigið. Hvað erum við að gera? Láta þetta bitna á einhverju aumingjans fólki sem er að reyna að leigja út sínar eigin eignir. Það eina sem þetta mun gera er að hækka leiguverð og hækka skatta á það fólk.