skattar, gjöld o.fl. (tollar, leigutekjur o.fl.).
Virðulegur forseti. Ég sá mig knúinn til að koma hér upp og bregðast við orðum hv. þm. Sigmars Guðmundssonar þar sem hann talar um að hér sé á ferðinni verkstjórn sem er að taka til. Stjórn sem þenur út ríkisfjármálin, þenur út fjárlögin um 143 milljarða, skilar tapi af fjárlögum og eykur skuldir á heimilin og fyrirtækin í landinu um 30 milljarða er ekki tiltekt. Þetta er fullkomin uppgjöf fyrir verkefninu, hv. þingmaður. Það er ekki verið að hagræða í rekstri ríkisins, það er ekki verið að stoppa upp í fjárlagagatið. Þetta er fullkomin uppgjöf. Hér er ríkisstjórn sem eyðir meiru en hún aflar. Það er svo sem ekkert nýtt í sögu vinstri stjórna á Íslandi en menn skulu ekki koma hér upp og tala um tiltekt þegar útgjaldablásturinn er eins og hann er og skattlagningin og gjaldahækkanir á fyrirtækin og heimilin í landinu eins og þau eru. Þetta er fullkomin uppgjöf og ekkert annað.
