fjárlög 2026.

Forseti. Þetta er söguleg stund fyrir þann sem hér stendur. Fyrir liggur fyrsta fjárlagafrumvarp þessarar ríkisstjórnar og ég er ákaflega stoltur af því verki sem um ræðir. Það hefur reynt á hina svokölluðu stöðugleikareglu sem Alþingi samþykkti í vor og meðferð þingsins hefur sýnt hversu mikilvæg sú regla er. Svo að við rifjum það aðeins upp þá takmarkar hún vöxt ríkisútgjalda við 2% en leyfir ekki umfangsaukningu umfram það. Einhver gæti haldið að þetta væri minni háttar en hlutdeild ríkisins í vergri landsframleiðslu jókst til samanburðar um 2% frá árinu 2019–2025 og við hefðum betur haft þá reglu á því tímabili. Það hefur verið markmið þessarar ríkisstjórnar að snúa við rekstri ríkisins og tryggja að við getum greitt niður skuldir. Það höfum við svo sannarlega gert á þessu ári. Til þess að halda þeirri vegferð áfram þurfum við að ná jafnvægi í rekstri ríkissjóðs. Við getum ekki sent (Forseti hringir.) reikninginn fyrir lífskjörum inn í framtíðina en við þurfum á sama tíma að vinna á skuldum í innviðum, í þjónustu við börn og í heilbrigðiskerfinu. Þetta er góður dagur fyrir Ísland.