niðurstaða fundar utanríkismálanefndar.

Frú forseti. Það er vont að heyra af þessu máli, að ekki sé orðið við beiðnum um að fá gesti. Eins og hæstv. forseti þekkir þá er það hlutverk okkar í stjórnarandstöðunni að veita aðhald og fylgjast með og þegar synjað er um gestakomur er það aðhald skert. Við í allsherjar- og menntamálanefnd áttum að gefa umsögn um málið án þess að hafa fengið nokkrar upplýsingar um málið. Það minnti bara svona á einhvers konar stimpilpúðavinnubrögð, sem er með ólíkindum. Ég bara hvet nefndarformenn sem eru ekki góðir í samskiptum til að fara á námskeið hjá þeim nefndarformönnum þar sem þetta gengur vel, t.d. í allsherjar- og menntamálanefnd. Það er hægt að stjórna þessu almennt vel. Við erum fólk, við erum ekki í endalausu rifrildi. Það er bara hæfni í mannlegum samskiptum og að keyra ekki mál hér áfram í algerri ósátt.