athugasemdir varðandi samráð og aðildarviðræður við ESB.
Virðulegi forseti. Nú er það þannig að á þessu þingi sem öðrum hafa verið lagðar fram þó nokkrar þingsályktunartillögur. Það er ekki þannig að ráðherrar tilkynni utanríkismálanefnd alltaf deginum áður að hann eða hún hyggist leggja umrædda þingsályktunartillögu fram. Ég deili auðvitað þeirri túlkun að hér sé um að ræða ákvæði ef það á að taka einhverja ákvörðun þar sem er verið að tala við einhverja útlendinga í útlöndum um eitthvað en ekki að leggja fram þingsályktunartillögu sem á eftir að fara í þinglega meðferð. Ég skil því ekki alveg hvert stjórnarandstaðan er að fara. En ef menn eru svona duglegir við að koma upp geta þeir kannski lýst þeirri skoðun hvort það að draga til baka eða segjast draga til baka umsókn að Evrópusambandinu feli í sér meiri háttar ákvörðun í utanríkismálum og hvort slíka ákvörðun eigi að bera undir utanríkismálanefnd þegar þar að kemur.
