athugasemdir varðandi samráð og aðildarviðræður við ESB.
Frú forseti. Ríkisstjórnin hefur gefist upp á því að berjast við vextina og verðbólguna. Hún hefur gefist upp á því. Sleggjunni hefur verið komið fyrir inni í kústaskáp ríkisstjórnarinnar. Úrræði hennar er að tromma upp og boða til blaðamannafundar þar sem tilkynnt er um þessa þingsályktunartillögu og við fengum fyrst að vita um efni hennar á þeim blaðamannafundi. Þessi tillaga er ekki sett í samráðsgátt og hæstv. utanríkisráðherra neitar að koma fyrir utanríkismálanefnd eins og henni er þó skylt samkvæmt þingskapalögum, frú forseti. Þegar svona augljóst brot á þingskapalögum á sér stað, er ekki ráð að forseti taki þetta til gaumgæfilegrar athugunar og þegar hæstv. ráðherra neitar að koma fyrir utanríkismálanefnd og brýtur þar með þingsköp með svona berum hætti eins og þarna er?
