þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegur forseti. Ég þakka hv. þingmanni fyrir afbragðsgott síðara andsvar. Þetta er nefnilega stóra spurningin, þ.e. að renna yfir það að það eru einungis tveir flokkar hér á Alþingi sem hafa lýst sig áhugasama fyrir því að ganga inn í Evrópusambandið. Flokkur fólksins hefur beinlínis sagst vera á móti því þannig að það er alveg ljóst að þingmeirihlutinn er ekki fyrir hendi. En svona gerast kaupin á eyrinni.

Virðulegur forseti. Við höfum fylgst með því hér í þingsal síðustu misseri hvernig þau gerast nákvæmlega en það setur okkur upp í þessa stöðu sem við erum í núna. Það verður mjög fróðlegt að fylgjast með þeirri umræðu og það verður mjög skemmtilegt að heyra hér, og við fylgjumst mjög vel með því í þessari fyrri umræðu um þetta mál, hvað þingmenn Flokks fólksins munu segja þegar þeir koma upp í ræðupúlt Alþingis til þess að tjá sig um þetta mál.