þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegi forseti. Bara svo ég útskýri aðeins síðari spurningu mína, og ég þakka fyrir andsvar hv. þingmanns varðandi þá fyrri, þá er það sem ég er að fara einfaldlega þetta: Er ekki þingmaðurinn sammála mér í því að því meiri upplýsingar sem við höfum á þessum tímapunkti um kosti og galla við inngöngu í Evrópusambandið, því upplýstari verður ákvörðun okkar um það hvort við ætlum að fara í þessa vegferð eða ekki? Það er minn punktur. Er ekki þingmaðurinn sammála mér í því að við hljótum að þurfa að ræða innihaldsatriðin, hvort það borgi sig yfirhöfuð að vera að sækja um, borgar það sig yfirhöfuð að vera að sækja um? Og í því tilliti verð ég að vísa til orða hæstv. forsætisráðherra þar sem hún virtist vera á þeirri skoðun að það væri ekki grundvallaratriði, við þyrftum ekki að vita allt um Evrópusambandið (Forseti hringir.) til að geta tekið ákvörðun um það hvort við ætluðum að fara í aðlögunarviðræður eða ekki.