þjóðaratkvæðagreiðsla um framhald viðræðna um aðild Íslands að Evrópusambandinu.

Frú forseti. Ég þakka hv. þingmanni fyrir svörin. Mig langar að halda áfram. Þetta er ekki efnisleg spurning, þetta er spurning um hvað þingmanninum finnst persónulega: Hvers vegna ættu ESB-ríkin 27 — og þá er ég að tala um ESB-ríkin sjálf, ekki embættismannabáknið í klúbbnum í Brussel — að sætta sig við að Ísland fengi betri díl og undanþágur í lykilmálum sem þau ekki fengu þegar þau hafa þurft að kyngja öllu regluverki sambandsins? Heldur þingmaðurinn virkilega að 27 aðildarríki Evrópusambandsins muni kyngja slíkum undanþágum fyrir Ísland? Embættismennirnir sjálfir í bákninu í Brussel hafa sagt: Það eru engar varanlegar undanþágur. Það er hægt að fá tímabundna aðlögun að regluverki Evrópusambandsins en engar varanlegar undanþágur.