þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegur forseti. Ég vil þakka þingmanninum fyrir ræðuna sína og segja að hún var um margt áhugaverð. Hann eyddi mestum tíma sínum í það að telja þingheimi og öðrum þeim sem hlusta trú um að það væri ekkert að semja um og að ekkert vit væri í þessu öllu saman og fór hérna með alls konar staðhæfingar. Málið er að ég hef heyrt alls konar staðhæfingar og ég hef líka heyrt hina hliðina á því sem hann lýsti hér áðan. Ég er því bara með eina spurningu til hv. þingmanns í fyrra andsvari: Treystir þingmaðurinn þjóðinni til að fara með þetta mál þann 29. ágúst 2026? Treystir hann þjóðinni til að ákveða hvort við eigum að halda áfram viðræðum eða ekki?