þjóðaratkvæðagreiðsla um framhald viðræðna um aðild Íslands að Evrópusambandinu.
Frú forseti. Ég þakka hv. þingmanni fyrir ágæta ræðu. Það vill þannig til að hv. þingmaður hefur sennilega meiri reynslu heldur en flestir hér inni af utanríkisþjónustunni. Hann starfaði lengi í utanríkisþjónustunni, til fjölda ára, og hefur gríðarþekkingu á samskiptum Íslands við erlend ríki, sömuleiðis við Evrópusambandið. Hv. þingmaður kom svo sem aðeins inn á það í sinni ræðu sem snýr að þessum varanlegu undanþágum frá hinu og þessu sem hefur verið haldið hér fram, bæði af hæstv. utanríkisráðherra og fleirum. Við höfum aftur á móti séð fréttir frá Brussel og sömuleiðis var spiluð frétt á föstudaginn síðasta þegar hinn umræddi blaðamannafundur fór fram þar sem Heather Grabbe kom fram og sagði: Það eru engar varanlegar undanþágur. (Forseti hringir.) Getur hv. þingmaður tekið undir með mér hvað þetta varðar?
