þjóðaratkvæðagreiðsla um framhald viðræðna um aðild Íslands að Evrópusambandinu.
Frú forseti. Ég þakka hv. þingmanni fyrir andsvarið. Við erum greinilega ansi sammála, ég og hv. þingmaður. Mér finnst þessi spurning mjög villandi og hún er í raun og veru röng. Í raun og veru ætti að spyrja þjóðina, ef það er verið að fara út í þjóðaratkvæðagreiðslu: Viltu ganga í ESB? En spurningin er: Viltu halda áfram að kíkja í pakkann? Viltu halda áfram að kíkja í pakkann sem enginn veit hvað er á bak við? Það er sagt að það séu einhver samningsmarkmið í greinargerðinni en þetta eru engin samningsmarkmið. Ég skil varla hvað hér er á ferðinni, hvað þá þjóðin. Ég hef þó starfað í þessum geira. Hvernig á hinn almenni kjósandi, sem hefur hvorki unnið við utanríkisþjónustu né utanríkismál, að geta myndað sér skoðun (Forseti hringir.) á grundvelli nokkurra lína? Það er ekkert hérna. (Forseti hringir.) Þannig að ef það á að spyrja að einhverju þá á að spyrja: Á að ganga í ESB?
