um atkvæðagreiðslu um lengd þingfundar.

Frú forseti. Ég kem aftur upp út af orðum hv. þm. Víðis Reynissonar um að draga djúpt andann og að okkur sé engin vorkunn að vinna hér fram á kvöld. Okkur er nefnilega engin vorkunn að vinna hér fram á kvöld og okkur er engin vorkunn að mæta á nefndarfund í fyrramálið sem þið afboðið, hv. þingmenn meiri hlutans, ef það eina sem er eftir á dagskrá eru þingmannamál. Okkur er engin vorkunn að hafa nefndarfundi. Hins vegar er stjórnleysi og óstjórn í dagskrá þingfunda hæstv. forseta ólíðandi. Af hverju? Vegna þess að hv. þingmenn þurfa að mæta á fundi, þurfa að geta skipulagt sig á einhvern hátt. En hvernig er þetta búið að vera? Frá nánast fyrsta þingfundardegi er verið að óska eftir lengdum þingfundi út af óstjórn í málefnum hér í þingsal. Það er óbjóðandi gagnvart öllum.