fylgigögn með fjármálaáætlun.

Forseti. Sem viðbragð við ræðu hv. þm. Bryndísar Haraldsdóttur get ég staðfest að slíkt samkomulag liggur fyrir. Það er óbreytt afstaða fjármálaráðuneytisins að það sé ekki krafa um það í lögum um opinber fjármál að þessi gögn fylgi. Ég held hins vegar að umræðan hafi farið af stað á röngum forsendum því að auðvitað er mjög mikilvægt að þingið búi yfir þeim upplýsingum sem það telur nauðsynlegar þegar umræða fer fram. Á grundvelli þess höfum við lagt fram tillögu um hvernig að þessu verði staðið núna að þessu sinni og síðan í framtíðinni þannig að umræða um fjármálaáætlun sé skilvirk og að þingið hafi þær upplýsingar sem það telur nauðsynlegar, óháð því hvað lögin segja til um.