þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegi forseti. Ég þakka hv. þm. Hildi Sverrisdóttur kærlega fyrir hennar spurningu. Ég verð þó að spyrja, ég er aðeins að velta því fyrir mér: Hvernig dregur hún þá ályktun að í þessu áliti séu minni kröfur gerðar til íslenskra samningamanna heldur en í fyrra áliti? Ég bendi á að hér er ítarlegur kafli um meginhagsmuni og samningsmarkmið, kafli VI, þar sem reifuð eru svipuð sjónarmið, eða í sömu röð alla vega, og síðast þegar við fórum í þessa vegferð. Þar í upphafi kaflans segir einnig:

„Meiri hlutinn telur mikilvægt að komi til þess að aðildarviðræðum verði fram haldið verði lögð áhersla á sérstöðu og meginhagsmuni Íslands þar að lútandi, sem fram koma í áliti þessu.“

Hérna er ramminn gefinn og ég hef ekki heyrt betur en svo að hæstv. ráðherra hafi lýst því yfir hér áðan að til þessa ramma verði sannarlega litið komi til viðræðna um aðild Íslands að Evrópusambandinu.