þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegi forseti. Ég þakka hv. þingmanni fyrir ræðuna sem var svolítið áhugaverð. Hún fór yfir söguna og sagði að þeir sem væru á móti aðild Íslands að Evrópusambandinu væru sömu pólitísku öfl og hefðu verið á móti bjórnum. Virðulegur forseti. Ég hvet hv. þingmann til að kynna sér málið. Það er flokkur hv. þingmanns, fyrirrennari hans, sem var á móti bjórnum.

En þetta var nú ekki eina málið. Málið er það að hv. þingmaður spyr: Af hverju má ekki koma með upplýsingar um aðild að Evrópusambandinu? Bíddu, er hv. þingmaður að segja, fyrrverandi starfsmaður utanríkisþjónustunnar í Brussel, fyrrverandi formaður Ungra Evrópusinna, fyrrverandi formaður Ungra jafnaðarmanna … (DagH: Nei. )— Fyrirgefðu. Þingmaður Samfylkingarinnar sem er með það á stefnuskrá sinni að fara í Evrópusambandið, veit hv. þingmaður ekki hvað felst í því að vera í Evrópusambandinu? Er það þannig að Samfylkingin, sem hefur haft það á stefnuskrá sinni að ganga í Evrópusambandið, veit ekki hvað felst í að vera í Evrópusambandinu?