fullnusta refsinga.

Virðulegur forseti. Eins og fram hefur komið hér í útskýringum ólíkra þingmanna þá er málið einhvers konar tilraun til að hjálpa til við að taka á þeim vanda sem við glímum við í fangelsiskerfinu. Í dag er staðan sú að útlendingar sitja oft skemur í fangelsi en Íslendingar, þessir sem koma hingað inn og eru síðan í samfélaginu. Það jákvæða við þetta er að þeim skal þá vísað úr landi strax. Annað sem er jákvætt við þetta er að þetta er tímabundið og afturvirkt og á ekki þar af leiðandi að hafa áhrif á það að draga hingað glæpamenn í framtíðinni. En það fylgir því auðvitað að það þarf að fara í heildarendurskoðun á umhverfinu. Í heild sinni er málið kannski jákvætt skref þó að það sé á engan hátt fullkomið.