þjóðaratkvæðagreiðsla um framhald viðræðna um aðild Íslands að Evrópusambandinu.
Virðulegi forseti. Það er ágætt að ég fái tækifæri til að skýra þennan síðasta hluta svolítið betur og ég þakka hv. þingmanni kærlega fyrir andsvarið. Ég tel að lausnir eins og þær sem bæði Finnar og Svíar fengu í tengslum við norðurslóðalandbúnað geti gagnast íslenskum landbúnaði og við eigum að sjálfsögðu að fara fram á slíkar lausnir og við eigum að fara fram á að slíkar lausnir verði varanlegar. Til viðbótar finnst mér ekki loku fyrir það skotið að við eigum að skoða einhverjar tímabundnar aðgerðir, til viðbótar við þessar, bara svo að það sé skýrt, og þá nefni ég markaðsverndina í því samhengi. Við getum deilt um það og rifist um ESB-rétt og forgangsrétt og allt það en það er klárlega markmið bókunar 35 og markmið EES-samningsins og markmið þeirrar tilteknu lagagreinar að stuðla að einsleitni laga á innri markaði. Það er auðvitað bara það sem Evrópusambandið fer fram á í samskiptum við okkur. Það er það sama. Það myndi koma frá Evrópusambandinu en þó yrðu réttaráhrifin önnur. En það verður samt að hafa í huga, af því að því er stundum ranglega haldið fram, að þegar kemur að tilskipunum (Forseti hringir.) er það ekki þannig að tilskipanir Evrópska taki sjálfkrafa gildi í aðildarríkjunum. Þær eru tilskipanir sem þingin þurfa síðan að færa til laga líkt og er í dag. Hins vegar hafa reglugerðir Evrópuþingsins sjálfkrafa lagagildi á Íslandi. (Gripið fram í.)
