fjárlög 2027.

Forseti. Ég þakka hv. þm. Karli Gauta Hjaltasyni fyrir síðari spurninguna. Nú er það raunverulega þannig að hv. þingmaður getur flett upp umfangi aga í fjárlögum ríkisins aftur í tímann og gögnin sýna að fullyrðing hans er einfaldlega ekki rétt. Þessi fjárlög eru þau fjárlög sem hafa kynnt mestan aga núna um margra ára skeið og um þetta er raunverulega ekkert hægt að deila því tölurnar liggja fyrir. Ég tek hins vegar undir með hv. þingmanni að það er mjög mikilvægt að Alþingi taki það alvarlega að búa ríkisrekstrinum ramma sem hægt er að beita aga á. Ég tek þess vegna alveg undir með hv. þingmanni að undanskildir liðir eru erfiðir en það er líka þannig að við getum ekki annars vegar (Forseti hringir.) kvartað yfir umfangi þeirra og hins vegar verið á móti því að þjónustugjöld séu hækkuð af því að hluti af tilgangi þeirra er að endurheimta kostnað og draga á ákveðinn hátt úr eftirspurn.