06.02.1951
Sameinað þing: 38. fundur, 70. löggjafarþing.
Sjá dálk 1560 í B-deild Alþingistíðinda. (455)

Stjórn áburðarverksmiðju

Landbrh. (Hermann Jónasson) :

Herra forseti. Ég held þetta gefi nú ekki tilefni að löngum umræðum. Verksmiðjan er vitanlega eign hinna almennu hluthafa að 2/5 hlutum og ríkisins að 3/5 hlutum. Eignin fer ekki eftir því, hver ábyrgist skuldirnar; það breytir engu um eign á þessu fyrirtæki. Um þetta ætti ekki að þurfa að ræða lengur við jafnglöggan mann og hv. 2. þm. Reykv.

Fram kom einn listi, sem á voru jafnmörg nöfn og menn skyldi kjósa. Samkv. því lýsti forseti yfir, að án atkvgr. væru kjörnir:

Pétur Gunnarsson tilraunastjóri,

Vilhjálmur Þór forstjóri,

Jón Jónsson frá Flateyri, húsasmíðameistari.