23.10.1951
Efri deild: 19. fundur, 71. löggjafarþing.
Sjá dálk 338 í C-deild Alþingistíðinda. (2923)

62. mál, ítök

Dómsmrh. (Bjarni Benediktsson):

Herra forseti. Ég tel eðlilegast, að till. verði breytt nú þegar og orðinu „mun“ bætt inn í gr. Ég hef áður bent á, að það gerir talsverða efnisbreyt., hvort orðinu „mun“ er bætt inn í eða ekki. Hins vegar hef ég bent á, að hvort sem því er nú bætt í gr. eða ekki, verður mótsetning á milli 1. og 2. setningar í 5. gr. Í 2. setningunni er vikið frá því, sem fyrri setningin leiðir af sér. Í 2. setningunni er gert ráð fyrir, að báðir geti haft hagsmuna að gæta varðandi ítak, en það stenzt ekki við fyrri setninguna, þar sem talað er um „mun meiri hagsmuni“. — Ég get svo ekki fallið frá því, að það er hæpið, að umráðamaður hafi frekari rétt en eigandi ítaks. — N. ætti að hugleiða þetta á milli umr.