11.05.1955
Sameinað þing: 59. fundur, 74. löggjafarþing.
Sjá dálk 2074 í B-deild Alþingistíðinda. (3331)
Þinglausnir
forseti (JörB):
Eins og sjá má á þessu yfirliti,
hefur Alþingi haft mörg mál til meðferðar.
Mörg þeirra hafa verið afgreidd sem lög frá
þinginu. Ég vil minna á sem dæmi þá lagasetn-
ingu, er lýtur að því, á hvern hátt Alþingi ráð-
stafaði greiðslufagangi ríkissjóðs árið 1954.
Samkvæmt þeim lögum er ríkisstj. heimilt að
verja:
Millj. kr.
1)
Til ræktunarsjóðs.
8
2)
— fiskveiðasjóðs
8
3)
Lána veðdeild Búnaðarbanka
Íslands.
4
4)
Til
greiðslu á framlagi ríkissjóðs
fyrir árið 1955 til útrýmingar
heilsuspillandi íbúða.
3
5)
—
greiðslu uppbóta á sparifé.
1.5
6)
—
brúasjóðs til endurbyggingar
gamalla stórbrúa
1.5
7)
Greiðsla upp í hluta ríkissjóðs
af stofnkostnaði við skóla, sem
þegar hafa verið byggðir eða
eru í byggingu.
2
8)
Greiðsla upp í hluta ríkissjóðs
af kostnaði við hafnargerðir,
sem þegar hafa verið framkvæmdar
1
9)
Að leggja til hliðar upp framlag
ríkisins til atvinnuleysis-
trygginga.
6
Samkvæmt þessu á að verja þessum fjármunum til nauðsynlegra umbóta og framkvæmda til styrktar og eflingar atvinnulífinu til sjávar og sveita.
Að því lúta og lög þau, er þingið setti um breytingu á lögum um landnám, nýbyggðir og endurbyggingar í sveitum, lög um breytingu á ræktunarsjóðslögunum, lög um breytingu á lögunum um jarðræktar- og húsagerðarsamþykktir í sveitum, lög um breytingu á jarðræktarlögum, lög um fiskveiðasjóð Íslands og lög um breytingu á hlutatryggingasjóðslögum bátaútvegsins.
Heildarstefna þessarar löggjafar er aukið framlag til stuðnings og fyrirgreiðslu þeirra málefna, er löggjöfin fjallar um og ætlazt er til að gildi um allmörg ár fram í tímann.
Þá voru sett lög um húsnæðismálastjórn, veðlán til íbúðabygginga og útrýmingu heilsuspillandi íbúða. Efni þessara laga er nýmæli að nokkru leyti og miðar að því að ráða bót á húsnæðiseklu þeirri, er ríkt hefur í landinu á undanförnum áratugum, og peningakreppu þeirri, sem þjóðin hefur átt við að búa í því efni, og fela lögin í sér einnig ráðstafanir til þess að útrýma heilsuspillandi íbúðum.
Þá setti þingið mikilsverð lög um breytingu á almennum hegningarlögum, ný læknaskipunar- og heilsuverndarlög og lög um lækningaferðir, nýja löggjöf um almenningsbókasöfn, lög um greiðslu kostnaðar við skóla, sem reknir eru sameiginlega af ríki og sveitarfélögum, og heildarlög um iðnskóla; enn fremur vegalög og lög um skógrækt.
Þessi lagasetning, sem drepið hefur verið á, miðar öll að framförum og umbótum, hver á sínu sviði.
Virðist mér þingið hafa haldið vel í horfinu um auknar hagsbætur þjóðinni til handa í ýmsum greinum. Vonandi gera þegnar þjóðfélagsins sitt til að efla heill og heiður þjóðarinnar, enda veltur framtíð hennar á því, að almenningur beri þann hug í brjósti.
Ég vil óska hv. þm. gleðilegs sumars, þakka þeim góða samvinnu og velvild í minn garð og óska þeim, sem heima eiga utanbæjar, góðrar ferðar og heimkomu. Allir vonumst vér að hittast heilir á næsta þingi.
Að lokum þakka ég starfsmönnum þingsins fyrir vel unnin störf.
