08.05.1958
Sameinað þing: 44. fundur, 77. löggjafarþing.
Sjá dálk 1956 í B-deild Alþingistíðinda. (3101)

Varamenn taka þingsæti- rannsókn kjörbréfa

Forseti (EmJ):

Mér hefur borizt svo hljóðandi bréf frá hæstv. forseta Nd.:

„Mér hefur í dag borizt svo hljóðandi bréf frá Magnúsi Jónssyni, hv. 2. þm. Eyf., fyrir hönd Sjálfstfl.:

„Hér með leyfi ég mér að tjá yður, herra forseti, að Bjarni Benediktsson, 1. þm. Reykv., verður erlendis um nokkurt skeið, og er þess óskað, að 2. varaþingmaður Sjálfstæðisflokksins í Reykjavík, Angantýr Guðjónsson, taki á meðan sæti hans á Alþingi.“

Þetta er yður, herra forseti, hér með tilkynnt, með ósk um, að þér látið fara fram í sameinuðu þingi rannsókn á kjörbréfi varamanns.

Einar Olgeirsson, forseti neðri deildar. Til forseta sameinaðs Alþingis.“

Verður nú gefið hlé, meðan kjörbréfanefnd athugar kjörbréf Angantýs Guðjónssonar. [Fundarhlé.]